LAOAG CITY-Natiliw ti maysa a lalaki gapu iti panaglako na iti maipawil a droga babaen Drug buy Bust operation nga inyuswat ti PNP-Badoc iti Barangay Sta.Cruz, Badoc.
Nabigbig ti suspek a ni Pedro Acoba, dati a drug surrender, ken agnanaed iti nasao a Barangay.
Segun kenni PCI. Arnel Tabaog, Hepe ti Pulisia ti Ili ti Badoc, nabayagen a manamnamadan ni Acoba nga adda da dagiti ilemlemmeng na a maipawil a droga gapu iti saan na pinagsardeng ken panagtultuloyna a panaglako.
Naala da kenkuana ti maysa small plasctis sachet a naglaon iti maatap a shabu ken ti 500 a pisos a marked money ken sabali pay ti 2 a plastic sachet a shabu kapkap da daytoy.
Gapu iti daytoy, sumango ti panagsalungasing ti RA 9165 wenno “Comprehensive Dangerous Drugs Act of 2002”.
Iti agdama, addan ti kustudyar ti PNP- Badoc para iti maipila a kaso kontra iti suspek.
