LAOAG CITY – Natiliw ti maysa a lalaki kalpasan ti balligi a drug buy bust operation idiay Barangay 18, San Pedro, San Nicolas, Ilocos Norte babaen ti PNP iti nasao nga ili ken Paoay kasta met ti PDEA.
Nabigbig daytoy a ni Romel Dadis y Domingo, agtawen ti 32, awanan ti asawa, maysa a tricycle driver ken residente iti nasao a barangay.
Segun kenni Police Chief Inspector Paul Benedict Parado, chief of police ti PNP-San Nicolas, baro a drug personality ti nasao a lalaki ken adda iti street level.
Kunana a nagatang manipud kenni Dadis ti maysa a sachet a maipagarop a naglaon ti shabu ken ti marked money nga sangaribo a pisos.
Malaksid iti daytoy, naala pay iti ikot na dagiti dua a sachet ti maipagarop a shabu, kwarta, jungle knife.
Inbatad na nga adda ti naaw-awat da a report seknan iti panaglako na ti iligal a droga.
Basar ti impormasyon a nakalap da, kuna ni Parado nga agop-operar ni Dadis ditoy ciudad ti Laoag ken iti ili ti San Nicolas
