LAOAG CITY – Natiliw ti maysa a lalaki kalpasan a nagtakaw ti bawang ken sibuyas iti tiendaan ti ciudad ti Laoag.
Nabigbig daytoy a ni Louie Mabag Laura, agtawen ti 32, awanan ti asawa ken residente iti Barangay 37, Calayab iti met laeng nasao a ciudad.
Segun ti report, bayat ti panagronda ni Armando Antonio, maysa a kameng ti Civil Security Unit (CSU) a naka-assign ti tiendaan ket nakita na ti panagal-ala ni Laura kadagiti bawang ken sibuyas.
Gapu ti daytoy, pinagunyan na ti suspek ngem nagtartaray isut gapuna a kinamat na ken nagpatulong ken ni Rockie Flor, Local Revenue Collection Officer 1.
Apaman a nakamatan ken kinapkap da ni Laura ket naala da kenkuana dagiti sibuyas ken bawang, pakairamanan ti maysa a bala ti caliber 5.56
Dagus a napan inyendorsar dagiti maseknan ni Laura iti PNP ken iti agdama ket maisagsaganan ti kaso a maipila kontra kenkuana.
