LAOAG CITY – Nagballigi dagiti otoridad iti inyuswat da a drug buy-bust operation idi rabii iti paset iti Barangay 9 ditoy ciudad iti Laoag.
Nabigbig ti suspek a ni Val Torres, agtawen iti 43, naasawaan ken residente met laeng iti nasao a lugar.
Naala iti ikot ni Torres ti maysa a sachet a naglaon ti maipagarop a shabu a naglaon ti maipagarop a shabu ken agbalor iti sangaribo a pisos.
Iti panangkapkap dagiti otoridad ti suspek, adda pay ti narekobre da a tallo a sachet a naglaon ti maipagarop a shabu, sumagmamano a drug paraphernalia, cellphone ken cash money.
Nagkedked metten ni Torres a nagkomento seknan ti alegasyon kenkuana ken iti agdama ket nagtalinaed ti kustodyar ti PNP ditoy ciudad iti Laoag.
