LAOAG CITY – Kinumpirmaran ni Police Chief Inspector Roldan Suitos, ti chief of police iti iti ili Sarrat ti panangtiliw da ti maysa a lalaki gapu ti panagikot na ti paltog.
Binigbig na daytoy a ni Eduardo Valdez ken taga Barangay 10 iti ili ti Sarrat.
Segun ken ni Suitos, naala da iti ikot ni Valdez ti maysa a 357 magnum caliber revolver, kalibre 38 revolver ken assorted a bala.
Inbatad na nga iti panagvalidate da ket naduktalan nga awan ti dokumento na dagiti nasao a paltog ken saan a register firearm holder.
Manamnama a maipila ita nga aldaw ti kaso kontra ken ni Valdez.
