LAOAG CITY Natiliwan ti maysa a lalaki ti chainsaw idiay Barangay 18, San Isidro iti ili ti Sarrat, Ilocos Norte.
Binigbig ni Senior Police Inspector Roldan Suitos, hepe ti PNP-Sarrat ti lalaki a ni Marvin Silvestre, residente iti Barangay 17 iti nasao nga ili.
Segun kenni Suitos, idi agsubli da iti police station ket adda ti nasabat da a nakamotorsiklo nga addaan ti chainsaw.
Inbatad na nga awan ti naipakita ni a dokumento ti chainsaw ken nakarehistro iti DENR.
Kunana a naibaga ti suspek nga adda ti pinukan na a puun ti kayo ken mamati ti opisyal nga adda pay ti mapan na kuma pukanen.
Innayon na nga i-turn over da ti chainsaw iti Environmental Office ditoy ciudad ti Laoag.
