LAOAG CITY – Natiliw ti maysa a lalaki babaen ti naiwayat a search operation iti maysa a balay iti Brgy 15 Santa Magdalena iti ili a Sarrat.
Binigbig ni P/Chief Insp. Roldan Suitos, hepe ti PNP Sarrat ti lalaki a ni Mr. Donato Luis y Yolo, agtawen ti 40.
Narekobre da ti kalibre 38 a paltog, sumagmamano bala na ken maysa a bala ti shotgun.
Inbatad ni Suitos a nagtalinaed iti kuerpo ti puliysa idinto a maisagsagsana ti reklamo a panaglabsing ti RA 10591 wenno Comprehensive law on Fireamrs and Ammuniton kontra kenni Luis.
Kinumpirmaran na nga awan iti wacthlist ngem adu ti agrekreklamo a kabarangayan na gapu ti masansan a panagpaputok na ti paltog.
