LAOAG CITY – Natukkol ti saka ken nasugatan ti ulo ti maysa a lalaki kalpasan ti napasamak a desgrasya iti paset ti Barangay 55-C, Vira ditoy ciudad ti Laoag partikular ti bypass road.
Nabigbig ti biktima a ni Amorsolo Nicolas Valdez, agtawen ti 54, naasawaan ken residente iti Barangay 24, ditoy ciudad ti Laoag.
Iti inisyal nga imbestigasyon ti PNP-Laoag, bayat nga agpapaamyanan a direksyon ti biktima ket napukawan ti kontrol iti manibela ti inturong na a motorsiklo.
Gapo iti daytoy, naidungpar daytoy iti traffic signage rason a naipurwak iti kataltalonan.
Dagus met a naitaray ti biktima iti Gov. Roque Ablan Senior Hospital para iti pannakataming na.
Rumrumwar a ti biktima ket adda iti impluwensya ti nasanger bayat ti panagmaneho na.
Naamoan a ti nakapasamakan ti aksidente ke isu met laeng ti nakadesgrasyaan idi daydi Vice Mayor Michael Fariñas a puun ti nakatayan na itay napan a tawen.
