LAOAG CITY – Isagsaganan ti Philippine National Police (PNP) ti kaso a maipila kontra ti maysa a lalaki a nanggandat a mangpuur ti balay ti kabsat na iti Barangay 46, Nalbo ditoy ciudad ti Laoag.
Nabigbig ti suspek a ni Esteban Abadilla Barit, addaan ti umno a tawen, awanan ti asawa ken residente iti Barangay Baresbes iti ili a Dingras.
Segun ti report, simrek ti suspek iti balay ti kabsat na a ni Cristina Abadilla Barit, agtawen ti 52, awanan ti asawa ken residente iti Barangay Nalbo ti nasao a ciudad.
Naamoan a pinuuran ti suspek ti katre ti kabsat na isut gapuna a nagpaarayat ti biktima kadagiti karruba na ken napanda nagreport iti PNP.
Apaman a dimteng dagiti otoridad ket nadanun da ti suspek nga agtugtugaw ken umin-inom ti arak iti porch ti nasao a balay.
Naamoan nga addan ti immuna a kaso a murder ken arson ti suspek ken inserbi na ti sentensya na iti New Bilibid Prison.
