LAOAG CITY – Nagtalinaed ti hospial ti agnagan iti Larry Dela Cruz y Balino, agtawen ti 45, addaan ti live in , mannalon ken residente iti Bgy. Ferdinand ti ili a Marcos.
Daytoy ket kalpasan a tinagbat ti kabsat na a ni Dennis Dela Cruz y Balino agtawen ti 37, naasawaan ken residente ti nasao met la a barangay.
Maipalagip a naggiinum dagiti agkabsat kadua da dagiti kaaruba da idi rabii ti Setyembre 23 iti pagtaengan ti karruba da a ni Alex Abrigado y Santiago, agtawen ti 49, mannalon ket idi agsisinan dagitoy, nabati ti biktima ket nagtongtong da ken ni Abrigado.
Saan da a napootan a nagsubli ni suspek iggem na ti kumpay ket awan sinsao ket tinagbat na ti kabsat na a nakatamaan ti tengnged na.
Rumrummuar a ti motibo ti nasao a pasamak ket gapu iti nabayagen a saan a panagkinnaawatan dagiti agkabsat nabuybuyugan ti kaadda da iti inpluwesniya ti nasanger.
Natiliw met nga insigida ti suspek nga iti agdama ket adda iti kustodyar ti PNP maiyur-uray ti pannakaipila ti reklamo kontra iti daytoy.
