LAOAG CITY – Kinumpirmaran ni Police Chief Inspector Arnel Tabaog, ti chief of police iti Banna, Ilocos Norte nga adda ti napasamak a panagtagtagbat iti Barangay Balioeg ti nasao nga ili.
Binigbig na ti biktima a ni Angelo Bella, taga Lapaz, Abra idinto a ti suspek a katugangan na ket ni Luis Sacayanan, residente iti Barangay Balioeg iti ili a Banna.
Segun ken ni Tabaog, immuna a nagriri ti biktima ken ti asawa na a ni Charmaine gapu ta maipagarop a kagura ti lalaki ti papanna panag-bible study.
Inbatad ni Tabaog a nakainom ti nasanger ti biktima idi nagriri da iti asawa na ken gapu ti napasamak ken inbaga ni Bella nga agawiden idiay Abra.
Kuna na a bayat ti panagrirriri dagiti agasawa ket nakariing ti ama ni Charmaine ket napan na linapdan ti manugang na iti plano na a panagawid agingga nga isudan ti nagriri a nangitunda ti panangtagtagbat ti suspek iti biktima.
Segun ken ni Tabaog, nagsagaba ti sugsugat ti biktima kangrunaan na iti ngato ti lapayag na, dua nga ima ken ti buksit na.
