LAOAG CITY – Kinumpirmaran ni Barangay Chairwoman Malou Pascua iti Barangay Nagbacalan iti ili a Paoay nga adda ti naiwarang a lungon manipod iti kamposanto ti nasao a barangay.
Nupay kasta, kuna ni Pascua a naipakni met laeng a dagus apaman a nagturong da iti lugar.
Segun kenkuana, ti agtagikua ti lungon ket sangaili laeng idiay ili ti Paoay.
Inlawlawag na nga addan ti agarop tallo a tawen ti napalabas sipud napan innala dagiti kabagyan ti natay dagiti tultulang na ken inyawid da idiay Metro Manila.
Nupay kasta, kuna ti kapitana a saan nga inpakni a naimbag dagiti maseknan ti nakailungunan ti minatay da.
Gapu ti daytoy, naminpinsanen a tinubtub ti agtagikua iti lote ti pantiyon a nakaikabilan ti naiwarang a lungon.
