LAOAG CITY – Awan ti “foul play” ti pannakatay ti maysa a lalaki a nabirokan ti bangkay na iti kulungan ti baboy idiay ili a Pasuquin
Nabigbig ti pimmusay a ni Ramon Villanueva, agtawen ti 51, maysa a mangngalap ken agindeg iti Sitio Dirique, Brgy. Davila iti nasao nga ili.
Segun ti PNP-Pasuquin, ineksamen ni Dr. Diophantos Acob, Municipal Health Officer nga awan ti nakita da a sugat iti aniaman a paset iti bagi ti biktima malaksid ti panagbekkel na usar ti tali.
Kuna pay ti PNP-Pasuquin, basar ti asawa ti biktima a ni Nortelina Villanueva, posible a na“depress” ti asawa na gapu iti nagsasaruno nga idadalan na ti medical checkup.
Naamuan a nakita ti agnagan ti Ramil Cabanes agtawen ti 42, maysa a seaman, ken residente iti nasao a lugar a nakabitin ti biktima iti bakante a pagtaraknan ti baboy nga adda laeng iti amyanan a laud a paset ti pagtaengan ti biktima.
