LAOAG CITY – Kinumpirmaran ni Barangay Secretary Precious Arquillo iti Barangay 34-B, Gabu ditoy ciudad ti Laoag ti panangdadael ti maysa a mangisursuro ti maysa a classroom iti Gabu National High School iti met laeng nasao a barangay.
Inlawlawag na a segun ti naidanun kadakuada, nagturong ti mangisursuro a ni Mrs. Caren Joy Aguinaldo iti classroom nga ayan ti dua a grade 9 students ken dinamag na kadakuada no nakakita da ti na-hazingen.
Kalpasan nga insungbat dagiti dua nga estudyante a saan da pay a nakakita ti na-hazing ket maipagarop nga inruwaren ti mangisursuro dagiti tools iti bag na ken rinugyan nan a dinadael ti arwangan ken dagiti tawtawa.
Segun ken ni Arquillo, nagsardeng laeng ni Aguinaldo kalpasan a napan dinillaw ti maysa a pada na met laeng a mangisursuro.
Innayon ni Barangay Secretary Arquillo a kalpasan ti napasamak ket rimuar ti mangisursuro iti campus nga arig na awan ti napasamak.
Mainaig ti daytoy, inpakammo ni Arquillo a ti maysa nga estudyante ket nakarikna ti nakaro a buteng gapu ti naimatangan na nga inaramid ni Aguinaldo
