LAOAG CITY – Kontra ni Ms. Mariel Corpuz , mangisursuro iti ciudad ti Batac ti naipasa idiay Kamara nga Anti Palo Bill.
Segun ken ni Corpuz, no apay a kontraen na ti nasao a linteg ket gapu ta gagangay a masipat, mabaot wenno masagid ti maysa a mangisursuro dagiti estudyante na kas wagas a pangdisiplina.
Ngem gapu iti nasao a linteg nangnangruna no naan-anayton daytoy a linteg ket mapawilandan iti mangaramid iti daytoy.
Kunana a bayat iti kaadda na iti nasao a propesyon ket naipapagagangayen a masipat wenno mabaot na ti estudyante ngem saan nga isu iti nadagsen wenno makasakit.
Inlawlawag na a kenkuana ket kasarsarita na dagiti nagannak dagiti estudyante na a nangibagaan na a maawatana da kadi no mabaot na dagitoy.
Innayon na a kasano ngarud a disiplinaan da dagiti estudyante da ket kadagitoy a panawen ket nalulukon dagitoy.
