LAOAG CITY – Kinumpirmaran ni Mrs. Lorna Balisbisana, principal iti Ilocos Norte National High School (INNHS) ditoy ciudad ti Laoag ti naidanun a reklamo iti Bombo Radyo kontra ti maysa a mangisursuro ti nasao a pagadalan.
Daytoy ket mainaig ti panagpakontribusyon ni Miss Catherine Litao, adviser ti grade 8, iti sag-355 dagiti 49 nga adalan na a maigatang ti smart TV.
Naamoan a ti nasao a pakontribusyon ni Litao ket idi pay laeng opening ngem agpapan ita ket maipagarop a saan pay a nakagatang ti telebisyon.
Inaadmitir ti prinsipal nga ammo na ti nasao a banag ngem inkalintegan na a saan pay a nakagatang ti telebisyon ni Litao gapu ta maipagarop a saan pay a nakabayad amin dagiti estudyante na.
Naamoan a ti nasao a telebisyon ket maikabil iti uneg ti classroom ni Litao ken agserbi a blackboard da.
Nagturong a mismo ti Bombo Radyo ti nasao a pagadalan ngem saan a nakita ni Litao.
