LAOAG CITY – Tiniliw dagiti otoridad iti ili ti Sarrat ti maysa a babai babaen ti bileg ti warrant of arrest gapo iti kaso na nga estafa.
Binigbig ni Police Chief Inspector Joseph Baltazar, chief of police ti PNP-Sarrat ti akusado a ni Shirley L. Pamplona, agtawen ti 46, maysa a mangaisursuro iti pampubliko a pagadalan ken residente iti Barangay 1 iti nasao nga ili.
Segun kenni Baltazar, namunganay ti kaso na nga estafa gapo iti utang.
Ti warrant of arrest ken inparuk-at ni Hon Charles Javier M Calapini-Judge iti First Judicial Region 3rd Municipal Circuit Trial Court, Sarrat-Vintar, Ilocos Norte.
Narekomendaran ni Pamplona ti 40 a ribo a pisos a pyansa para iti temporaryo a pannakawaya-waya na.
