LAOAG CITY – Ballaigi ti naisayangkat a search warrant operation iti pagtaengan ti agnagan igti Ryan Castillo, agtawen ti agtawen ti 36, addaan ti live-in partner, maysa a mangngalap ken residente iti Bgy. Dilavo iti ili a Pasuquin.
Ti nasao nga operasyon ket inwayat ti PNP-Pasuquin.
Segun ken ni P/C/Insp. Roldan Suitos, Hepe ti Pulisya ti nasao nga ili, inwayat da ti operasyon kalpasan ngaa dda da report a naawat da mainaig iti pannakinaig ni Castilo iti operasyon ti illegal a droga.
Kuna a kas resulta, nakaala da ti 15 a babassit a sachet a naglaon iti maatap a shabu, 2 a babassit a sachet a naglaon iti maatap a napagango a bulong ti marijuana kenuppat a bala ti paltog a para M16 M14 ken carbin.
Gapu iti daytoy, posible a sumango ni Castilo ti kaso a panagsalungasing ti RA 9165 ken RA 10591.
Kuna pay ni Suitos a maibilang ni Castillo iti top 4 drug personality iti street level category ken monmonituren da iti posible a pannakairamraman kadagiti “gun for hire” iti nasao nga ili.
Kabayatan na, naiget met a naglikudan ni Castillo ken ti kabsat na a kukua na dagiti naala iti pagtaengan na a maatap nga illegaal a droga ken ti bala ken inbaga a planted dagitoy.
Nupay kasta, kuna ni Suitos a gasgasen ti nasao a linya ket iti kortenton ti pagpalawagan da.
