LAOAG CITY – Natay ti maysa a lalaki kalpasan nga aksidente a naiggaman na ti waya a nakakonektar iti electric pump idiay Bgry. 13, Baay idiay ciudad ti Batac.
Nabigbig daytoy a ni Jimmy Agradi y Butac, agtawen ti 55, mannalon, naasawaan ken residente iti nasao a barangay.
Segun ti imbestigasyon, napan iti taltalon ti biktima ken ti pagayam na ken idi inlinong na ti taraken na a baka ket aksidente a naiggaman na ti waya.
Naamoan a ti nasao a waya ket nakakonektar iti pagtaengan ni Brgy. Kagawad Danny Pandan y dela Cruz, agtawen ti 59 ken residente iti nasao met laeng a lugar.
Saan a nakita ti biktima ti waya a nakakonektar iti electric pump a rason ti pannakakuryente na.
Dagus a naitaray ti biktima Mariano Marcos Memorial Hospital and Medical Center iti nasao a ciudad ngem naideklara a dead on arrival.
