LAOAG CITY – Nagsagaba ti sugat ti rupa ken lapayag ti maysa a menor de edad kalpasan a timmama ti rupa na ti sinindian na a kwitis idiay Barangay 5, Vintar, Ilocos Norte pasado alas-siete idi rabii.
Nabigbig daytoy a ni Francis Galano, agtawen ti 15 ken residente ti nasao a barangay.
Ni Galano ti kaunaan a nagbalin a biktima ti paputok ditoy probinsya idi rabii.
Segun ken ni Mitchie Tagana, maysa a nurse a nangtaming ken ni Galano, inrekomenda da a mapan agpabakuna ti biktima ti anti-tetano iti Governor Roque Ablan Senior Memorial Hospital (GRASMH) ditoy ciudad ti Laoag ita nga aldaw.
Nupay kasta, kuna ni Tagana a saan a maibilang a grabe ti sinagaba ti nasao a menor de edad.
