LAOAG CITY – Manamnama a mabalud iti maysa a tawen ti maysa a Micronesian a lalaki kalpasan a tinakawan na ti maysa a lakay a Pilipino idiay Hawaii.
Binigbig ni Bombo International Correspondent Manny Pascua idiay Hawaii ti biktima a ni Mr. Lupo Fernandez, agtawen iti 95, taga Badoc, Ilocos Norte ngem agdama nga agnanaed diay Kalihi, Honolulu idinto a ti suspek a Micronesian ket ni Remik Ungeni, agtawen iti 49, agnaed met laeng idiay Honolulu.
Immunan nga inbatad ni Pascua a bayat a gumatgatang ni Fernandez iti China Town Market idiay Honolulu ket kellaat lattan a rinabsot ti suspek ti wallet na ken bulon nan ti nagtartaray nga immadayo iti lugar.
Nupay kasta, nabigbig ti kinatao ti suspek babaen ti tulong ti surveillance video iti lugar.
Inpakaammo ni Pascua nga iti panagsango ti biktima ket suspek iti korte ket positibo nga intudo ni Lupo ti micronesian a nangitaray ti wallet na.
