LAOAG CITY – Nagsagaba ti nakana a sugat ti maysa a lalaki a nakamotrsiklo kalpasan a dinungpar ti maysa a Toyota idiay Barangay 38-A, Mangato ditoy ciudad ti Laoag.
Nabigbig daytoy a ni Tomas Michael Calamasa, addan iti umno a tawen ken residente iti Brgy. 7 iti ili ti Piddig idinto a ti driver ti toyota ket ni Simeon Javier Sagalan, addaan iti umno a tawen ken residente iti Bacnotan, La Union.
Segun ti imbestigasyon ti PNP-Laoag, agpaamyanan a direksyon iti nasao a barangay ni Calamasa idi ta maipagarop a kellaat a dinungpar ni Simeon nga agpabagatan met a direksyon.
Iti agdama ket manarimaan a maag-agasan iti Laoag City General Hospital ti biktima.
Nagtalinaed met iti kustudiyar ti PNP-Laoag dagiti dua a lugan.
