LAOAG CITY – Nagsagaba ti sugsugat ti maysa a motorista kalpasan a nadungpar ti maysa a 6-wheeler truck iti paset iti Barangay 22, San Guillerma iti San Nicolas, Ilocos Norte.
Nabigbig ti biktima a ni Rosario Lagat, agtawen iti 28, balasang, empleado iti dakkel a mall ti nasao nga ili ken residente iti Barangay 14 ti ili iti San Nicolas.
Dagus a naitaray ti biktima iti Laoag City General Hospital (LCGH) ditoy ciudad iti Laoag babaen met laeng ti mismo a pagayam na a ni Jonard Jacinto.
Segun ti report, bayat ti panagpapa-abagatan a direksyon ni Lagat iti paset iti Barangay 22, San Guillermo ket nadungpar ti truck nga inturong ni Mark Kevin Lacuesta, agtawen iti 27, addaan ti live-in partner na.
Simmuko ti driver ti truck iti PNP-Batac ken dagiti kameng ti nasao a kwerpo ti pulisya ti napan nangiturnover kenkuana iti PNP-San Nicolas.
