LAOAG CITY – Natiliw ti maysa a lalaki bayat ti naiyuswat a drug-buy bust operation babaen ti PNP-Dingras idiay Brgy. Peralta iti nasao nga Ili.
Nabigbig ti suspek a ni Darwin taylan y. Versoza, agtawen 45, addaan asawa, negosyante ken residente iti nasao a barangay.
Segun kenni PS Insp/ Anthony Sorsano, Hepe ti PNP- Dingras, naala iti ikot ni Versoza ti 2 a sachet a naglaon iti iti maatap a shabu ken ti P1,000 a marked money nga inusar ti maysa a pulis a nagpamamarang a gumatang iti maipawil a droga.
Kuna na a simmukon idin ni Versoza kadagiti otoridad ngem nagsubli iti madi nga aramid na isu nga adda iti watchlists dagiti drug user.
