LAOAG CITY – Maysa a negosyante ti nagbalin a biktima dagiti maipagarop a bombay a kameng ti budol-budol gang iti Barangay Dariwdiw iti ciudad ti Batac.
Segun ken ni Mr. Rey Ventura, adda dagiti nakalugan ti kotse a bombay a napan gimmatang ti tinapay, ngem sangaribo ti kwarta da isut gapu na a napan da inpasupli kenkuana.
Inlawlawag na a ditoy nga inpakita ti maysa kadagiti bombay ti 500 peso bill nga adda serial number na a ti pangrugyan na ket PT.
Kuna ni Ventura nga inbaga ti bombay a no adda ti kwarta da a ti pangrugyan ti serial number na ket PT ket sukatan da ti dolyar.
Inbatad na nga iti papan panangkita ti ipag na ti 50 ribo a pisos a naka-bundle iti uneg a mismo ti kwarto na ket saan da a ninamnama ti isusurot ti gangannaet ken isunan a mismo ti nangkita ti kwarta ngem awan ti nakita da ti ibagbaga ti bombay.
Nupay kasta, kalpasan a nakapanaw dagiti gangannaet ket balbaliw a binilang da ti kwarta ket ditoy a nakigtot da gapu ta nakurang metten ti 13 a ribo a pisos.
Inpakaammo ni Ventura nga indanun na daytoy iti bombo radyo tapno maballaagan dagiti umili a possible a mabiktima met dagiti suspek.
