LAOAG CITY – Impilan ti National Bureau of Investigation (NBI) ti kaso a panagsalungasing iti panagikot kadagiti paltog ken balbala nga awanan ti lisensiya kontra ken ni Drexel Dy, maysa a negosyante ken residente ti Bgy. Manayon iti ili a Bangui.
Daytoy ket kalpasan ti naimballigian ta search warrant operation nga inwayat ti NBI ti probinisya kontra iti nasao a suspek.
Segun ken ni NBI Investigation 3 Abet Rivera, agarup dwa a bulan nga inadal da no kaano nga operasyonan da ni Dy kalpasan a nakaala da ti infotrmasyon panggep iti panangikot na kadagiti paltog nga awanan ti lisensiya.
Kas resulta, nakarekubre ti grupo ni Rivera ti maysa a baby armalite, maysa a kalibre 22 long riffle ken nagduduma a klase ti bala.
Inlawlawag ni Rivera a ti opisina da ti nangiwayat ti operasyon gapu ta kiniddaw da kadakuada ken kas paset ti kampanya ti gobyerno kontra kadagiti kriminalidad.
Innayon ni Rivera a naannayas ti pannakaiyusuat ti operasyon ken immatangan dagiti maseknan nga opisyal ti barangay.
