LAOAG CITY – Maisagsaganan ti kaso kontra ti maysa a lalaki kalpasan ti pannakatiliw na iti naiyuswat a drug buy-bust operation idiay ili ti Pagudpud.
Nabigbig daytoy a ni Allen Manegdeg y Lagundido, agtawen ti 38, addaan ti live-in partner, agtagikua ti Shalen Allen Homestay, maysa a drug surrenderer ken residente ti Brgy. Balaoi iti ili ti Pagudpud.
Natiliw ti nasao a suspek babaen ti nagtipon a pwersa ti PNP-Pagupud ken Ilocos Norte Provincial Drug Enforcement Unit.
Nakumpiskar manipud iti iko ti suspek ti maysa a plastic sachet a naglaon ti maipagarop a shabu nga isu ti inyawat na iti nagpammarang a police posuer buyer.
Naala pay kenkuana ti medium transparent sachet a naglaon ti maipagaraop a shabu a naikabil iti posporo ken sangaribo a pisos a marked money.
Nagtalinaed ti suspek iti kustudiyar ti PNP-Pagudpud.
