LAOAG CITY – Inpetteng ni Atty. Ferdinand Ignacio a ti kapintasan nga aramiden ti rappler ket ti mangipila ti “appropriate legal remedy” mainaig iti pannakanselar ti lisensya da babaen iti Securities and Exchange Commission (SEC).
Inlawlawag na a saan ketdi nga iraman da ti pulitika wenno agkondenar da kadagiti gobierno.
Segun kenni Ignacio, ti laeng isyu ditoy ket no nasurot wenno nalabsing ti konstitusyon saan ketdi nga agaramid ti nagduduma nga alibi ken kurirwen ti isyu.
Mainaig iti daytoy, kuna na a no awan ti naaramid a madi ket masapol nga awan ti pagbutngan.
Inbatad na a ti aramiden pay ti rappler ket paneknekan nga awan ti pakainaigan na ti Philippine Depository Receipt (PDR) iti foreign investment.
Kabayatanna, kun ni Ignacio a masapol a respetaren ti siasinno man a nagbasol ti desisyon ti ahensya ti gobierno.
