LAOAG CITY – Ballaigi a naarestar ti maysa nga indibidual iti naisayangkat ti Anti-Illegal Drug Buy-bust Operation iti Brgy 17, Don Irwis San Francisco ditoy siudad ti Laoag.
Daytoy ket kalpasan a natiliw ti suspek nga aglaklako ti maipagarup a napagango a bulong ti marijuana iti nagpammarang a poseur buyer.
Nabigbig ti subject a ni Mary Jane Tumbaga Tropel, agtawen ti 18, addaan iti anak.
Nakumpiskar manipod iti suspek ti dua a resealable transparent plastic sachet a naglaon ti mapapati a napagango a bulong, tangkay ken bukel ti marijuana, maysa ti maipagarop nga inlako na iti nagpammarang a poseur buyer ken maysa ti adda ti naipaipit iti case ti cellphone na, kasta pay a nakumpiskar kenkuana ti maysa a sangaribo a pisos a nausar kas buy-bust money iti naisayangkat nga operasion.
Mainaig iti daytoy, saan metten a nagsao pay ti subject ti maipapan iti sangsangwen na nga isyu.
Kabayatanna, ti subject ket agdama nga adda iti kustodiar ti Philippine National Police ditoy ciudad.
