LAOAG CITY – Pimmusay ti maysa nga ama kalpasan ti panagbekkel na iti paset ti Bacasa Bridge iti ili ti Carasi.
Basar iti Philippine National Police iti ili ti Carasi, ti biktima ket agtawen ti 36, maysa a construction worker ken residente iti nadakamat nga ili.
Segun kenni Police Captain Cheryll Cacayorin, chief of police iti nasao nga ili, nakita dagiti residente ti biktima a nakabitin babaen iti tali.
Iti pay impormasyon, ti biktima ket suspek ti napasamak a panagrames iti napalpalabas a tawen.
Inbatad na a sakbay ti panagpakamatay ti biktima ket saanen a makapangpangan ken saan unay nga agun-uni.
Naamoan a sakbay ti panagbekkel na ket nagpost iti facebook account na no sadinno agpakpakawan iti anak na ken nagyaman iti boss na.
Kabayatanna, napukaw pay ti motorsiklo nga us-usaren ti biktima a kukua ti boss na ken agpapan ita ket saan pay a nabirukan.
