LAOAG CITY – Kinumpirmaran ni Police Lt. Col. Rafael Lero, ti chief of police ti PNP-Laoag nga adda ti maysa nga ama a tiniliw da gapo iti panagikot na ti paltog iti Barangay 27 ditoy ciudad.
Ti lalaki ket agtawen ti 51 ken residente iti nasao a barangay.
Segun kenni Lero, adda ti naawat da a report a ti nasao nga indibidual ket inparang na ti kalibre 45 a paltog nga addaan ti walo a bala bayat ti makiin-inom.
Inlawlawag na nga idi nagresponde dagiti otoridad ket inpakita met ti lalaki ti paltog na.
Kuna met ni Lero nga ur-urayen da met ti resulta ti panangberipikar da iti Camp Crame no adda ti umno a dokumento daytoy.
Mainaig iti daytoy, kunana a basar kadagiti opisyales ti barangay ket awan met madi a rekord daytoy ket saan a nairamraman iti iligal nga aktibidad.
Nupay kasta, kunana a masapol a maimbestigar ti kastoy nangruna ket manarimaan ti panaggi-inom dagitoy ti nasanger ken mabalin a sabali ti pagbanagan no bilang man maaddaan ti saan a panagkinnawatan.
Iti agdama ket maisagsagana metten ti kaso a maipila kontra iti daytoy.
