LAOAG CITY – Pimmusay ti maysa a lalaki kalpasan a nagbekkel iti ili ti Pagudpud.
Ti biktima ket agtawen ti 31, mannalon ken residente iti nasao a lugar.
Iti imbestigasyon dagiti otoridad iti panangidaulo ni Police Major Eduardo Santos, ti hepe iti nasao nga ili, nakita a nakabitin ti biktima iti uneg ti pagtaengan da.
Inbatad ni Santos nga awan met ti nakita a foul play iti pannakatay ti biktima.
Rumrumuar a depresyon ti rason ti panagpakamatay ti biktima gapo ta maipagarop a ti asawa na nga aggapo iti ballasiw taaw ket sabali ti sinangpetan na a lalaki.
Innayon ni Santos ti biktima ket ummunan a ginandat na ti nagpakamatay ngem nakita a dagus ti pamilya na.
