LAOAG CITY – Inyistorya ti saanen a nagpabigbig nga APOR ti kapadasan na iti iseserrek na kuma ditoy probinsya.
Segun kenkuana, idi Pebrero 11 ket napan iti probinsya ti Pangasinan gapo ta kinuyog na a napan nagpa-check up ti masikog nga asawa na ken idi agsublin ditoy Ilocos Norte ket saan a napastrek iti laksid a kumpleto ti dokumento na ken dimmalan iti antigen test iti border iti ili ti Badoc.
Inpetteng na nga idi agsublin ditoy probinsya ket timmawag iti LGU ditoy ciudad ti Laoag ken ditoy nga inbaga ti nakasarita na a saanen nga ag-quarantine gapo ta maysa met daytoy nga APOR.
Inlawlawag na nga iti alas-singko ti malem idi Pebrero 21 idi adda ti border ken ditoy a timmawag dagiti personnel iti border iti LGU-Laoag ngem naamoan na nga adda ti napan iti pagtalinaedan na kuma.
Nupay kasta, kuna na a naamoan na a gapo ta nasurok 10 nga aldaw nga adda iti ruwar ti probinsya ket maibilangen nga LSI ken masapol nga ag-quarantine iti 14 nga aldaw iti hotel.
Ummuna iti daytoy, kunana a saan a naipakammo kenkuana a nasuspenso pay laeng ti home quarantine ditoy probinsya ken naduktalan na nga awan met ti napan naginspeksyon iti pagtaengan nga isu kuma ti pagtalinaedan na it 14 nga aldaw.
Mainaig iti daytoy, kunana a saan nga agpapada dagiti maibagbaga kenkuana gapo ta ti ibaga dagiti personnel nga adda iti border ket APOR isuna ngem iti LGU ken maibilang nga LSI daytoy.
Kabayatanna, kunana a gapo iti daytoy ket nagsubli iti probinsya ti Pangasinan.
