LAOAG CITY – Nakasaganan a dumalan iti panagsanay ti maysa nga atleta manipud ditoy probinsia iti EJ Obiena Sports Clinic iti Ferdinand Edralin Marcos Stadium.
Daytoy ti naragsak nga inpakaammo ni Mrs. Helen Rose Domingo, mangidadaulo ti Provincial Sports and Development Office.
Segun kenkuana, ti nasao nga umaayam ket dumalan iti naiget a panagsanay iti pole vault tapno ad-adda a maasa ti abilidadna iti panagay-ayam iti nasao nga sporting event.
Inbatadna a babaen iti daytoy ket ad-adda a maisagana dagiti atleta ditoy probinsia iti pannakibinnalubalda iti national ken international competition.
Inlawlawagna a naipakaammo metten daytoy a banag ken ni Filipino Olympian ken pole vaulter EJ Obiena no sadinno a naragsak isuna nga addan ti napili nga atleta manipud ditoy probinsia.
Maipalagip a balligi a nairubuat ti EJ Obiena Sports Clinic iti Ferdinand Edralin Marcos Stadium idi Disiembre 6 agingga 9 iti napalabas a tawen nga indauloan mismo ni EJ Obiena.
