LAOAG CITY – Kinumpirmaran ni Mrs. Celia Berano, Education Program Supervisor ti MAPEH ti DepEd-Batac nga adda ti atleta manipud iti Region 1 iti Palarong Pambansa 2019 idiay Davao City nga agsagsagaba ti tuko.
Inlawlawag ni Berano a saan na a mabalin nga idetalye no siasinno ken ana a probinsya ti rehiyon ti addaan ti tuko gapo ta confidential ti nasao a report.
Nupay kasta, inpasingked ni Berano a saan a manipud ditoy Ilocos Norte ti nasao nga atleta.
Mainaig iti daytoy, kuna na a basar kadagiti doktor ken nurse ti alteta ket saanen a mabalin a makaay-ayam.
Naamoan a ti nadakamat nga atleta ket team sports ti pakaisalipan na kuma no saan a naaddaan ti tuko.
Kabayatanna, mangnamnama ni Berano nga adda ti makaabot nga atleta ti region 1 iti finals dagiti nagduduma nga ay-ayam iti Palarong Pambansa.
