LAOAG CITY – Natay ti maysa nga electrician kalpasan a nadesgrasya iti airport road bisinidad ti Brgy. Bengcag ditoy siudad ti Laoag.
Nabigbig ti biktima a ni Jonathan Ramos Tamayo, agtawen ti 31, caretaker iti maysa nga electrical supply ken residente iti nasao a barangay.
Basar iti imbestigasyon dagiti kameng ti PNP-Laoag, agpapalaud ti direksyon ti biktima a nangiturong ti deo motorcycle idi ta naawanan ti kontrol iti manibela.
Gapu iti daytoy, nagderderetso agingga a naidungpar iti maysa a poste iti igid ti kalsada.
Nagsagaba ti biktima ti nakana a sugat iti ulo pakairamanan iti nagduduma a paset ti bagi daytoy.
Naitaray ni Tamayo iti ospital para iti pannakataming na ngem natay bayat a maag-agasan.
Naamoan a naggapo iti paggi-inuman ti biktima sakbay a napasamak ti desgrasya.
