LAOAG CITY – Natay ti maysa a lalaki kalpasan a nakuryente iti Sitio Nasaldet B, Brgy. 30 Cadaratan, Bacarra, Ilocos Norte
Nabigbig ti biktima a ni Fenor Galapon, agtawe ti 51, naasawaan, maysa nga electrician, ken resiente iti Brgy. 32 Corocor iti nasao met laeng nga ili.
Segun kenni Police Major Sheryl Guzman, ti chief of police ti Philippine National Police – Bacarra, tartarimaanen ti biktima ken ti kabsat na a ni Lucio Ninio Galapon ti kable ti kuryente iti uneg ti pagtaengan ni Marverick Lagpacan, agtawen ti 48, naasawaan, maysa a mangalap ket residente iti Brgy. 30 Cadaratan.
Inbatad na a kalpasan ti pannakatarimaan ti kable ti kuryente ti uneg ti pagtaengan, nagturong ti biktima ken ti kabsat na iti ruwar tapno i-tap ti service drop no sadinno immuli daytoy iti walo a metro ti kangato na idi rumrumuar a naputed na ti waya iti primary line agingga nga aksidente a nasagid na ti waya a rason ti pannakakuryente na.
Naitaray ti biktima iti Bacarra Medical Center para iti pannakataming na ngem naideklara a dead on arrival (DOA).
Kabayatanna, agtultuloy pay laeng ti imbestigasyon dahiti otoridad seknan iti nasao nga insidente.
