LAOAG CITY – Napangtaan ti maysa nga empleado ti Prime Water gapo ti panagputol na ti koneksyon ti danom ditoy ciudad ti Laoag.
Nabigbig daytoy a ni Felmar Leonard Cesar Lopez, agtawen ti 34, naasawaan, prime water disconnector ken residente ti Brgy. 51-A, Nangalisan ditoy ciudad ti Laoag idinto a ti suspek ket ni Emerson Fermin, addaan ti umno a tawen, naasawaan ken residente ti Brgy. 19, F.R. Catsro St. ditoy ciudad ti Laoag.
Segun ti report, pinangtaan ni Fermin ni Lopez a saanen a a karawar a sibibiag iti opisina ti INWD.
Immuna iti daytoy, pinuted ni Lopez ti koneksyon ti danom iti balay ni Fermin gapo ta addan ti lima a bulan a saan a nakabayad.
Gapo iti daytoy, nagreport ni Lopez iti biang ti PNP-Laoag ngem naipaiman daytoy iti barangay para ti pannakatratar na ken ti panangipinal ti maipila a kaso kontra kenni Fermin.
