Pinili ti maysa nga estudiante idiay Canada ti agbiahe iti mamindua iti makalawas a mapan agbasa babaen ti transportasion nga eroplano.
Kas panangidepensana ti estudiante, ad-adu ti maurnongna no agsubli ngem ti agrenta ti apartment iti asideg ti pagadalanna.
Agnanaed ti estudiante idiay Calgary nga addaan ti 687 a kilometro ti kaadayona manipud iti University of British Columbia (UBC) idiay Vancouver, Canada.
Mainaig iti daytoy, umabot laeng ti 150 Canadian dollars ti roundtrip ticket ti estudiante.
Kabayatanna, ti renta ti maysa a kuarto nga apartment idiay Vancouver iti asideg ti pagadalan ket aggatad ti 2,100 agingga iti 2,500 Canadian dollars.
