LAOAG CITY – Natay ti maysa nga estudiante iti napasamak a desgrasya iti National Highway ti Brgy. Pias iti ili ti Currimao
Segun ken ni P/Cpt Melvin Soriano, hepe ti PNP Currimao ti estudiante ket ni Ace Balino, agtawen ti 20, baro ken residente iti Brgy. Dariwdiw iti siudad ti Batac City, idinto a ti nagmaneho ti dump truck ket ni Abe Roque Ventura y Jacinto, agtawen ti 44, awanan asawa, driver ken residente iti Brgy. 9 Ab-but iti ili ti Piddig ken ti nagmaneho iti kurong-kurong ket ni Mark Anthony Sr Ursos y Samosino, agtawen ti 28 nga adda ti dua a pasaheros na a ni Mark Anthony Jr y Orencillo, agtawen ti 23 ken Angela Mae Castro y Orencillo, ken agpapada a residente iti Brgy Guimod Saur San Juan Ilocos SUR
Basar iti imbestigasion, agturturong iti abagatan a paset ti kalsada ti motorsiklo idinto a kellat a nadungpar na ti sarsarunwenna a kurong-kurong rason a naigalis ti driver ti motorsiklo iti bangir a linya rason a nadungpar ti dump truck.
Mainaig iti daytoy ket dagos a nagresponde dagiti kameng ti polisya ken naideklara a dead on the spot ti estudiante.
Gapu iti daytoy, nasagaba ti sugat iti nagduduma a paset iti bagi dagiti nakalugan iti kurong-kurong idinto a saan a naan-ano ti driver ti dump truck.
Kabayatanna, nagtalinaed iti kuerpo ti polisia ti driver ti dump truck para iti naan-anay a dokumentasion ken pannakaipila ti kaso.
