LAOAG CITY – Balligi ti pannakatiliw ti maysa a babai nga estudyante iti naiyuswat nga entrapment operation iti Barangay Quiling Norte iti ciudad ti Batac.
Nabigbig daytoy a ni Lyca Avbril Pinpin, agtawen ti 19, maysa nga estudyante ken residente iti nadakamat a barangay.
Basar iti Philippine National Police iti ciudad ti Batac, nagreport kadakuada ti maysa a babai a nagpabigbig a partner ti suspek gapo iti maipagarop a panangipangta daytoy kenkuana a papatayen na no saan a mapan iti pagtaengan da iti Barangay Quiling Norte.
Iti malem ti Hunyo 27, sinukon ti suspek ti partner na ken bayat nga agturong da iti pagtaengan ti maseknan ket ditoy a naiyuswat ti operasyon.
Naala iti ikot ti suspek ti maysa a caliber 22 a paltog, uppat a bala a naipan iti nangisit a wallet, personal a kwarta, cellphone ken ti motorsiklo na.
Iti agdama, ti suspek ket nagtalinaed iti kustudiyar ti Philippine National Police iti nasao a ciudad.
