LAOAG CITY – Naipaayan ti resolution of commendation ni Nathaniel Matteo Tumaneng manipud iti llocos Norte National High School ditoy ciudad ti Laoag.
Daytoy ket kalpasan iti pannakagun-od na ti gold medal iti Thailand International Mathematical Olympiad (TIMO) idiay Chiang Mai International Exhibition and Convention Centre, Thailand.
Segun ti konseho, ti nasao a resolusyon ket mangipakita iti panangsuporta da iti maysa a Laoageño iti benneg iti matematika ken iti dadduma pay a pakisalsalipan dagitoy.
Maipalagip nga adon dagiti nangabakan ni Tumaneng a pasalip iti matematika sipud pay idi Grade 1 agingga iti Grade 6.
