LAOAG CITY – Natay ti maysa a barito kalpasan a nagbekkel usar ti tali iti uneg ti balay da idiay Barangay Maglaio Norte, Currimao, Ilocos Norte.
Binigbig ni Police Captain Michael Permisson, chief of police ti PNP-Currimao ti biktima a ni Jedrick Urbano, agtawen ti 16, Grade 11 student ken residente iti nasao a barangay.
Basar iti imbestigasyon da, adda ti saan a nagkinnaawatan ti biktima ken ti ina na ken idi napan nagtrabaho ti ina idiay ili ti Paoay ket adda ti naawat na a mensahe nga agpakamatay ti anak na.
Segun kenni Permisson, kalpasan daytoy ket inbilin ti ina iti karruba da ti anak na ken ditoy a naduktalan da a nakabitin ti biktima.
Dagus a naitaray iti Rural Health Unit (RHU) iti ili ti Curimao ngem awan ti available a doktor rason nga inkabil da idiay ciudad ti Batac ngem naideklara a dead on arrival.
Inbatad na a basar iti nakalap da nga impormasyon manipud iti ina, rumrumwar a ti panaginom ti biktima kadagiti dua a kakabsat na gapo iti maipagarop a kurang ti atensyon a maal-ala na manipud kadagiti nagannak na.
Naamoan a sakbay ti panagpakamatay ti biktima ket nakita a naliday daytoy.
