LAOAG CITY – Inpasingked ni Police Major Ryan Retotar, ti chief of police iti Bacarra, Ilocos Norte nga awan ti foul play iti pannakatay ti maysa nga estudyante a ni Bonie Aljay Rivera kalpasan a nalmes iti Bislak river idi Abril 10 ita a tawen.
Inbatad ni Retotar nga uray ti pamilya ti biktima ket mamati nga awan ti foul play iti pannakatay ti nasao nga estudyante.
Inlawlawag ni Retotar a basar iti imbestigasyon da, napan ti biktima ken sumagmamano nga adalan na iti pages-eskwelaan da gapu ta adda iti inaramid da a proyekto.
Nupay kasta, napanunot da ti napan iti bislak river a nangitundan ti pannakalmes ni Rivera.
