LAOAG CITY – Natay ti maysa a baro kalpasan a nagbekkel iti uneg ti balay da idiay Barangay Ricarte iti ciudad ti Batac.
Binigbig ni Police Senior Inspector Eddie Suyat, deputy chief of police ti PNP-Batac ti biktima a ni Rey Angelo Rubio, agtawen ti 19, maysa nga estudyante ken residente iti nasao a lugar.
Segun kenni Suyat, ti ammo kasinsin ti biktima a ni Hoyleth Camangeg, agtawen ti 36 ken empleado ti LGU Batac ket nakatugaw laeng daytoy iti uneg ti kusina da ngem idi inasitgan nan ket nakita na nga adda ti nylon iti tengnged da.
Basar iti kasinsin ti biktima, gagangayen ni Rubio nga agtugaw iti kusina da.
Inbatad ni Suyat nga agarop maysan nga oras a natay ti biktima sakbay a naduktalan ti kasinina na.
Segun iti inisyal nga imbestigasyon, addan sumagmamano a bulan a nagsina ti biktima ken ti dati a nobya na ngem kayat na ti makisinnubliyanan.
Kunana nga adda ti gundaway nga agte-text pay laeng ti lalaki iti babai tapno makisunnubliyanan ngem maipagarop a saanen a kayat dati a nobya na.
Nagpanawagan ni Suyat iti publiko nangruna kadagiti agtutubo a patibkiren da ti pakinakem da ken saan a masapol nga agpakamatay no adda ti problema da iti relasyon da.
