LAOAG CITY – Natay ti maysa nga estudyante kalpasan a naidungpar iti kongkreto a pavement iti Barangay Poblacion iti ili ti Burgos.
Basar iti Phililippine National Police iti ili ti Burgos, ti biktima ket agtawen ti 18, awanan ti asawa ken residente iti Barangay Pagali iti nasao met laeng nga ili.
Iti imbestigasyon dagiti otoridad, agpaabagatan ti biktima a nakalugan ti motorsiklo idi napukawan ti kontrol iti manibela a nangitunda ti pannakaidungpar na iti concrete pavement ken naitapwak iti sementado a kanal iti akin-kannawan a paset ti kalsada.
Gapo iti daytoy, nagsagaba ti nakana a sugat iti nagduduma a paset ti bagi na ken naitaray iti Rurul Health Unit iti ili ti Burgos ngem naideklara a dead on arrival.
Kabayatanna, nagpalagip ti Philippine National Police kadagiti amin a motorista ti panagan-annad tapno mailisi iti desgrasya.
