LAOAG CITY – Nagturpos ti Master Degree in Public Health Epidemiology idiay Hawaii, United States of Americal ti maysa nga Ilokano a tubo iti Brgy. 47 Bengcag ditoy siudad ti Laoag.
Segun ken ni Mr. Allen Oamil, nangisayangkat isuna ti research project idiay Georgia maipanggep iti lamok.
Inbatadna nga apaman a nalpas ti panangiwayat ti research project-na ket inprisentarna daytoy kadagiti padana nga agsuksukisok.
Kunana a babaen iti daytoy ket maadalna dagiti nagduduma a virus a nasken a maikkan ti naan-anay nga importansia.
Innayonna a kalikagumna a magun-od ti Doctor in Philosophy wenno PhD ken mangiyuswat ti ad-adu pay a panagsukisok.
