LAOAG CITY – Patyen ni Mrs. Shearylyn Domingsil Apaguen iti Barangay Isic-isic iti ili ti Vintar a nabaybay-an ti anak na babaen iti Laoag City General Hospital (LCGH) rason a pimmusay.
Segun kenkuana, adda ti uyek ti anak na ken napan da inpacheck up iti doktor iti ili ti Vintar ken ti balakad daytoy ket no madi laeng ti kasasaad ti ubing ket itaray da iti ospital.
Kalpasan daytoy ket inpan da iti LCGH gapo kanayon latta ti panaguyek ti ubing ken bayat nga adda iti emergency room ken napakatan ti nebulizer ken oxygen ken naibaga kadakuada a mai-confine ti anak na no sadinno a maipan iti ICU tapno mamonitor ngem saan da nga inbaga a nakaro ti kasaaad ti ubing.
Inlawlawag na nga adda ti nurse a nakabantay iti nakaipanan ti anak da a binigbig na iti nagan a Merley Lernor Bagisi ngem kunana nga arig na agsursuro wenno saan na nga ammo ti ar-armiden na.
Kunana a gapo ta nakaro ti panagling-et ken rumrumwar ti danom iti ngiwat ti anak na ket nasdaaw ngem maiagarop nga inbaga ti nurse a gagangay laeng ti sitwasyon ti ubing iti kadayta nga oras.
Gapo iti daytoy, nagkalma ti rikna na ken napan gimmatang ti tissue ngem idi makasubli ken naamoan na manipud iti asawa na nga adda ti naitudok a maipagarop nga antibiotic iti anak da.
Nupay kasta, napalaos ti kigtot da gapo ta sabalin ti turong dagiti mata ti anak da, arig na agam-ammangaw no sadinno ket ingat-ngato na dagiti ima na ken adda ti rimwar a danom manipud iti agong daytoy.
Kabayatan iti daytoy, kunana nga adda ti inayaban ti nurse a kadwa na a nurse a maipagarop a natangsit ken nagsarita dagitoy no tawagan da ti doktor gapo ta damagen da no mabalin nga i-suction ti ubing nga isu ti nakapungtotan da nga agsawa gapo ta arig na saan da nga ammo ti aramiden dagitoy iti pasyente da.
Inpetteng na nga idi i-suction da ti ubing ket maipagarop a perdi ti makina rason a nagtaray ti maysa a nurse a napan nangala ti sabali nga apparatus ngem nagkidemen ti anak na.
Inyistorya na pay a ti pay asawa nan ti mangkaot iti ngiwat ti anak na iti ayat da a maisalbar ngem saanen a nagballigi gapo ta maipagarop a nag-lock ti ngiwaten daytoy.
Rumrumwar pay nga idi napan ti doktor a binigbig na a ni Dr. Jose Fermin Agusto Dacuycuy ket natayen ti anak na no sadinno ket naglitemen daytoy no sadinno ket maipagarop nga arig na balewala laeng daytoy iti doktor gapo ta saan man laeng a timmaray a mapan na kitaen ti ubing.
Naamoan ti naibaga kadakuada nga inpatay ti anak na ket status asthmaticus ken cardiac arrest ken saan na a maawatan gapo ta awan met ti asthma ti anak na no diket anemic laeng daytoy.
Mainaig iti daytoy, patyen pay ni Apaguen a sabali ti kinwa ti anak na sipud adda ti intudok da iti daytoy ken inpetteng na a naisalbar kuma ti biag ti ubing no saan a perdi dagiti apparatus ti ospital.
