LAOAG CITY – Umap-apela ni Mrs. Emelyn Patoc iti Barangay Lapaz ditoy ciudad ti Laoag iti publiko ti tulong pinansyal kalpasan nga adda ti nagtubo a bukol iti uneg ti buksit ti anak na.
Segun kenni Patoc, idi Pebrero ket intaray da iti ospital ti anak na gapo iti nakaro a sakit ti buksit na.
Inlawlawag na a dua pay a bulan nga agtumar ti agas ti anak na sakbay a maiyiskedyul ti operasyon daytoy.
Agamak ni Mrs. Patoc a no saan a maitultuloy ti panagtumar ti agas ti anak na ket amangan no saan a matuloy ti operasyon ti maikadwa nga anak na.
Mainaig iti daytoy, kalpasan a nai-ere iti Bombo Radyo Laoag ti apela ni Mrs. Patoc ket inpasigurado ni Dr. Alan Taylan ti panang-check-up na iti pasyente ken adda pay dagiti timmulong a saanen a nagpabigbig pay.
