LAOAG CITY – Inlawlawag ni Mrs. Teofila Sahagun iti Brgy. 24 ditoy siudad ti Laoag dagiti napasamak iti pannakipagpaset na iti General Assembly nga inangay ni Barangay Chairman Sammy Aquino.
Kuna a naklaat laengen idi nangeg na ti nagan ti anak na ni Macario Sahagun a dinakamat ti kapitan.
Segun ti ina a Sahagun, nagnerbyus ti rikna na gapu kadagiti naarita ti kapitan kontra iti anak na a ni Macario Sahagun iti baet a general assembly ti naiyawag iti panagtataripnong.
Inbatad na a maipanggep kadagiti pakasaritaan ti anak na dagiti nasao ti kapitan.
Kabayatanna, saan a naamuan a dagus ti anak a Sahagun ti general assembly ket dita a nagsaruno da iti ina na a nagawid.
Nakita na ti ina na nga agtigtigerger iti nerbyus gapu pay laeng dagiti nangegan na a sarita ti kapitan.
Iti baet a saan a naaumuan ti anak a Sahagun ti general assembly gapu ta saan a napakaammoan ken napan nagsideline, inbatad na a saan kuma a rumbeng a madakdakamat dagiti personal a banag kas maysa nga ama ti barangay.
Kalikagum ni Mr. Sahagun a maamuan ni anyaman ti paggurguraan ti kapitan kenkuana wenno iti pamilya na ken saan kuma a madakdakamat ti personal a banag nangruna iti sango ti sabali a tattao.
Ikarkarigatan ti Bombo Radyo Laoag nga alaen ti komento ni Kapitan Aquino seknan iti daytoy a banag.
Maipalagip a timpuar ti problema iti nagbaetan da Macario ken Aquino mainaig iti saan a pannakaiyisyu ti certificate of low income tapno kuma makaala ti tulong manipud iti gobyerno.
